Den makelause jazzfestivalen

Stormjazz

«Patchwork» er signert Winther-Storm, etter bandleiarane Thomas Winther Andersen, bufast i Nederland, og Håkon Storm, gitaristen som har korta ned namnet Håkon Storm-Mathiesen. Han har i mange år vore éin av våre fremste jazzgitaristar, og har samarbeidd med Winther Andersen på to album i bandet Line Up, mens han sjølv gav ut albumet «Canned Second» i 2005. I det nye bandet spelar den argentinske saksofonisten Natalio Sued og den nederlandske trommeslagaren Mark Coehoorn. Musikken er ein god miks av både lyrisk og rocka vare, der tonen blir slått an i opningsnummeret «Riff og allsang» med ei slags rocka marsjtakst i botnen før «Trance Formations» høyrer til det vi kan kalle eit utvida bebop-begrep, der Storm og Coehoorn verkeleg sparkar frå.

Slik held dei på, på eit album med spennande sporskifte der det aldri blir kjedeleg. «Forlane» av Ravel i Winther Andersens arrangement har coltrane‘ske overtonar, her er to blad «Double Fusion», og Storm og Winther Andersen har delt på låtskrivinga. Gitaristen har signert sluttnummeret «Undercurrent». Det er identisk med tittelen på ei historisk duoplate med Jim Hall og Bille Evans. Tilfeldig? Neppe.

Roald Helgheim, Dagsavisen 03.11.2010